സംസ്ഥാനത്തെ പ്ലസ്ടു പരീക്ഷാഫലം പ്രഖ്യാപിച്ചപ്പോള്‍; 85.13 ശതമാനം പേര്‍ ഉപരിപഠനത്തിന് അര്‍ഹരായി.

പ്ലസ്ടു, വി.എച്ച്.എസ്.ഇ പരീക്ഷയെഴുതിയവരില്‍ 85.13 ശതമാനം വിദ്യാര്‍ഥികള്‍ ഉപരിപഠനത്തിന് അര്‍ഹരായി. സയന്‍സ് (88.62
ശതമാനം), ഹമാനിറ്റീസ് (77.76 ശതമാനം), കൊമേഴ്‌സ് (84.52 ശതമാനം), ടെക്‌നിക്കല്‍ (87.94ശതമാനം), ആര്‍ട് - കലാമണ്ഡലം (98.75 ശതമാനം) എന്നിങ്ങനെയാണ് വിവിധ സബ്ജക്ട് ഗ്രൂപ്പുകളിലെ വിജയ ശതമാനം. വിജയശതമാനം കൂടുതല്‍ എറണാകുളത്താണ്  89.02 ശതമാനം. കുറവ് കാസര്‍കോട് 78.68 ശതമാനം. 8510 വിദ്യാര്‍ഥികള്‍ എല്ലാവിഷയത്തിലും എ പ്ലസ് നേടി.
3,75,655 വിദ്യാര്‍ഥികളാണ് ഇത്തവണ പ്ലസ്ടു പരീക്ഷയെഴുതിയത് ഇതില്‍ 3,19,782 പേര്‍ വിജയിച്ചു. 84.33 ആയിരുന്നു 2019 ലെ വിജയശതമാനം.
വി.എച്ച്.എസ്.ഇ. 76.06 ശതമാനം. കൂടിയ വിജയശതമാനം: വയനാട് 83.98, കുറഞ്ഞത്: പത്തനംതിട്ട 67.14, പരീക്ഷയെഴുതിയത്: 23,847 പേര്‍, ഉപരിപഠനത്തിന് അര്‍ഹരായത് 18,137 പേര്‍.